Lord Krishna is also known by his childhood name Gopal, here is his Chalisa and Aarti.
Gopal Chalisa
॥ दोहा ॥
श्री राधापद कमल रज, सिर धरि यमुना कूल ॥
वरणो चालीसा सरस, सकल सुमंगल मूल ॥
॥ चौपाई ॥
१) जय जय पूरण ब्रह्म बिहारी, दुष्ट दलन लीला अवतारी ॥
२) जो कोई तुम्हरी लीला गावै, बिन श्रम सकल पदारथ पावै ॥
३) श्री वसुदेव देवकी माता, प्रकट भये संग हलधर भ्राता ॥
४) मथुरा सों प्रभु गोकुल आये, नन्द भवन मे बजत बधाये ॥
५) जो विष देन पूतना आई, सो मुक्ति दै धाम पठाई ॥
६) तृणावर्त राक्षस संहारयौ, पग बढ़ाय सकटासुर मार्यौ ॥
७) खेल खेल में माटी खाई, मुख मे सब जग दियो दिखाई ॥
८) गोपिन घर घर माखन खायो, जसुमति बाल केलि सुख पायो ॥
९) ऊखल सों निज अंग बँधाई, यमलार्जुन जड़ योनि छुड़ाई ॥
१०) बका असुर की चोंच विदारी, विकट अघासुर दियो सँहारी॥
११) ब्रह्मा बालक वत्स चुराये, मोहन को मोहन हित आये ॥
१२) बाल वत्स सब बने मुरारी, ब्रह्मा विनय करी तब भारी ॥
१३) काली नाग नाथि भगवाना, दावानल को कीन्हों पाना ॥
१४) सखन संग खेलत सुख पायो, श्रीदामा निज कन्ध चढ़ायो ॥
१५) चीर हरन करि सीख सिखाई, नख पर गिरवर लियो उठाई ॥
१६) दरश यज्ञ पत्निन को दीन्हों, राधा प्रेम सुधा सुख लीन्हों ॥
१७) नन्दहिं वरुण लोक सों लाये, ग्वालन को निज लोक दिखाये ॥
१८) शरद चन्द्र लखि वेणु बजाई, अति सुख दीन्हों रास रचाई ॥
१९) अजगर सों पितु चरण छुड़ायो, शंखचूड़ को मूड़ गिरायो ॥
२०) हने अरिष्टा सुर अरु केशी, व्योमासुर मार्यो छल वेषी॥
२१) व्याकुल ब्रज तजि मथुरा आये, मारि कंस यदुवंश बसाये ॥
२२) मात पिता की बन्दि छुड़ाई, सान्दीपन गृह विघा पाई ॥
२३) पुनि पठयौ ब्रज ऊधौ ज्ञानी, पे्रम देखि सुधि सकल भुलानी ॥
२४) कीन्हीं कुबरी सुन्दर नारी, हरि लाये रुक्मिणि सुकुमारी ॥
२५) भौमासुर हनि भक्त छुड़ाये, सुरन जीति सुरतरु महि लाये ॥
२६) दन्तवक्र शिशुपाल संहारे, खग मृग नृग अरु बधिक उधारे॥
२७) दीन सुदामा धनपति कीन्हों, पाराि रथ सारथि यश लीन्हों ॥
२८) गीता ज्ञान सिखावन हारे, अर्जुन मोह मिटावन हारे ॥
२९) केला भक्त बिदुर घर पायो, युद्ध महाभारत रचवायो ॥
३०) द्रुपद सुता को चीर बढ़ायो, गर्भ परीक्षित जरत बचायो ॥
३१) कच्छ मच्छ वाराह अहीशा, बावन कल्की बुद्धि मुनीशा ॥
३२) ह्वै नृसिंह प्रह्लाद उबार्यो, राम रुप धरि रावण मार्यो ॥
३३) जय मधु कैटभ दैत्य हनैया, अम्बरीय प्रिय चक्र धरैया ॥
३४) ब्याध अजामिल दीन्हें तारी, शबरी अरु गणिका सी नारी ॥
३५) गरुड़ासन गज फन्द निकन्दन, देहु दरश धु्रव नयनानन्दन ॥
३६) देहु शुद्ध सन्तन कर सङ्गा, बाढ़ै प्रेम भक्ति रस रङ्गा ॥
३७) देहु दिव्य वृन्दावन बासा, छूटै मृग तृष्णा जग आशा ॥
३८) तुम्हरो ध्यान धरत शिव नारद, शुक सनकादिक ब्रह्म विशारद ॥
३९) जय जय राधारमण कृपाला, हरण सकल संकट भ्रम जाला ॥
४०) बिनसैं बिघन रोग दुःख भारी, जो सुमरैं जगपति गिरधारी ॥
४१) जो सत बार पढ़ै चालीसा, देहि सकल बाँछित फल शीशा ॥
॥ छन्द ॥
गोपाल चालीसा पढ़ै नित, नेम सों चित्त लावई, सो दिव्य तन धरि अन्त महँ, गोलोक धाम सिधावई ॥
संसार सुख सम्पत्ति सकल, जो भक्तजन सन महँ चहैं, [जयरामदेव] सदैव सो, गुरुदेव दाया सों लहैं ॥
॥ दोहा ॥
प्रणत पाल अशरण शरण, करुणा-सिन्धु ब्रजेश, चालीसा के संग मोहि, अपनावहु प्राणेश ॥
Gopal Aarti
१) आरती जुगलकिशोर कि कीजै, तन मन धन न्यौछावर कीजै ॥
२) रवि शशि कोटि बदन कि शोभा, ताहि निरखि मेरी मन लोभा ॥
३) गौर श्याम मुख निखरत रीझै, प्रभु को स्वरूप नयन भरि पीजै ॥
४) कंचन थार कपूर की बाती, हरि आए निर्मल भई छाती ॥
५) फूलन की सेज फूलन की माला, रतन सिंहासन बैठे नन्दलाला ॥
६) मोर मुकुट कर मुरली सोहे, नटवर वेष देखि मन मोहे ॥
७) ओढ़यो नील-पीत पटसारी, कुंज बिहारी गिरवरधारी ॥
८) श्री पुरुषोत्तम गिरिवरधारी,आरती करें सकल ब्रजनारी ॥
९) नन्द लाला वृषभानु किशोरी, परमानन्द स्वामी अविचल जोरि ॥
१०) आरती जुगल किशोर की कीजै, तन मन धन न्यौछावर कीजै ॥
Comments
Post a Comment